النهاردة هقدم لكم اباجورة رائعة من صنع ايدك ومش هتاخد منك وقت ولا مجهود وفى نفس الوقت شكلها جميل وبسيط .
الادوات المطلوبة :
قماش ملون - مقص - قلم - صمغ - ورق كريشة ملون - برطمان كبير - سلك كهرباء + لمبة - سلك رفيع - كلفة او دانتيل - بقايا قماش - شريط ساتان أذا وجد - أبرة وخيط .
شكل رقم ( 1 )
الطريقة
قصى قطعة قماش على شكل نص دائرة كبيرة هتكون هى اساس الاباجورة اللى هنشتغل عليه
اصنعى شكل شجرة صغيرة من ورق الكريشة باحجام وألوان مختلفة (الافضل الاخضر بمدرجاتة ) والرسم يكون على ظهر الورق وبعدين قصى الاشكال .
الصقى اشكال ورق الكريشة على قطعة القماش النص دائرة .
حددى شكل الاباجورة بالسلك والصقى عليه القماش وثبتى وصلة الكهرباء(ممكن تجهزيها عند الكهربائى ) على البرطمان سواء بغطاء بلاستيك او قطعة فلين او صلصال .
وممكن تضيفى بداخل البرطمان اكسسوارات ملونة لتعطى الاباجورة منظر جميل .
شكل رقم ( 2 )
الطريقة
قصى قطعة قماش على شكل نص دائرة كبيرة هتكون هى اساس الاباجورة اللى هنشتغل عليه
اصنعى شكل قلوب متوسطة من ورق الكريشة وتكون بحجم واحد وباللون الاحمر والرسم يكون على ظهر الورق وقصيها .
والصقى الكلفة البيضاء على حدود القلوب الحمراء .
الصقى اشكال ورق الكريشة على قطعة القماش النص دائرة .
حددى شكل الاباجورة بالسلك والصقى عليه القماش وثبتى وصلة الكهرباء(ممكن تجهزيها عند الكهربائى ) على البرطمان سواء بغطاء بلاستيك او قطعة فلين او صلصال .
وممكن تضيفى بداخل البرطمان قطع شيكولاتة او حلويات لتعطى الاباجورة منظر جميل وفى نفس الوقت تستفادى منها .
الشكل رقم ( 3 )
الطريقة
قصى قطعة قماش على شكل نص دائرة كبيرة هتكون هى اساس الاباجورة اللى هنشتغل عليه .
ومن بقايا القماش ارسمى دواير متوسطة بحجم واحد وألوان مختلفة .
كشكشى اطراف الدوائر باستخدام الابرة والخيط وضعى زرار فى وسطها والصقيها على النص دائرة الكبيرة .
حددى شكل الاباجورة بالسلك والصقى عليه القماش وثبتى وصلة الكهرباء(ممكن تجهزيها عند الكهربائى ) على البرطمان سواء بغطاء بلاستيك او قطعة فلين او صلصال .
وممكن تزينى النص دائرة بشريط ساتان وتخفى قطعة الفلين بواسطة فيونكة بسيطة من بقابا القماش .
وممكن كمان تضيفى بداخل البرطمان زراير ملونة لتعطى الاباجورة منظر جميل وفى نفس الوقت تستفادى منها .
صناعة شابوه الأباجورة
تجديد الأباجورة القديمة
تجديد شابوه أباجورة قديم كيف تجددى شابوه اباجورتك القديمة؟
طريقة عمل شابوه الاباجورة
طريقة عمل أباجورة بالصور
طريقة عمل اباجورات يدوية في المنزل
ليست هناك تعليقات:
إرسال تعليق