زينى غرفة أولادك من صنع ايدك بمخدات مميزة جدا وكمان بدون خياطة يعنى مش محتاجة تكونى محترفة خياطة او عندك ماكينة خياطة وممكن تنفذيها بمنتهى السهولة وشكلها طفولى و رائع ومبتكر وفرصة ننمى مهارات أولادنا بمشاركتهم لينا فى هذا العمل البسيط والسهل وخصوصا فى موسم الأجازات الصيفية
تعالوا نشوف الطريقة والادوات المطلوبة
هنحتاج لونين قماش صوف أو قماش التيشرتات القديمة
اول حاجة هنقص دائرتين كل واحده بلون
ونقوم بقص الاطراف
ونجهز ملامح الوجه للخدادية
ونلزقها بالغراء او الشمع او حتى ثبتيها بالخياطة اليدوية
نقوم بربط اطراف الدائرتين سويا
ونترك ثلث الدائره ونقوم بحشوها
ثم نكمل قفل الخدادية
ودا شكلها النهائى
