طبعا فى الحظر لا مفر من العجن والخبز
وفى رمضان لازم نعمل قطايف وزلابية وسمبوسك ♥️♥️
وعشان العجينة تنجح معاكى و تخمر كويس لازم نغطيها
وأغلب بولات العجن بدون غطاء يبقى نقعد ندور ع فوطة مطبخ
لا طبعا
هنعمل كام غطا للبولات الموجودة عندنا بمقاساتهم بطريقة سهلة جدا وبسيطة وسريعة
هنقص دائرة اكبر حوالى ١٠سم وبعدين ندككها باستك زى الى فى الصور وبكدا بقا عندك أغطية جاهزة ومحكمة لمنع خروج الهواء والحفاظ على دفء العجين.
وعشان الفكرة ديه عملية جدا ممكن تنفيذها لصوانى البيركس عشان نحفظ الاكل بعد مايستوى عشان مينشفش هنتبع نفس الخطوات بس هنرسم البيركس زى الصورة ونزود ١٠سم من كل جنب لزوم التدكيك
وطبعا ممكن ننفذها بمشمع او بقماش الخيامية عشان رمضان
استغلى وقتك مهما كانت مهاراتك واضيفى لمنزلك ولنفسك طاقة إيجابية التجديدات مهما كانت بسيطة بتفرق كتير فى حالاتنا النفسية
ليست هناك تعليقات:
إرسال تعليق